影片
更多
2021-07-19
380 瀏覽
因為趕住返屋企繼續開工，喺返屋企途中用Foodpanda 落order 買鍋貼套餐，揀咗10隻招牌鍋貼，泡菜，花枝丸湯同凍豆漿。到步同大細眼收銀阿姐講係拎網上order, 惡夢就開始。個阿姐大大聲話我無揀鍋貼，問我係要咩(問得即係比我啦，唔係問我要咩鍋貼做咩？)我咪答招牌10隻，跟住就再鬧話我無揀可以唔比我，好彩我親身嚟 拎，咪送貨係唔會比。我諗住好心話佢知我係有揀，唔係比唔到錢(有用過foodpanda嘅人都知揀唔齊嘢去唔到比錢個畫面)，跟住佢又鬧話唔會理foodpanda點，呢家張單無可以唔比鍋貼我。咁我就同佢講話鍋貼可以唔要，我亦會同foodpanda講返，不過叫佢態度好啲，同埋佢都可以同foodpanda講返有問題，個阿姐就再鬧話唔會同foodpanda講(咁佢哋做咩join人哋個app?), 係我無揀，係我揀得唔好！最後有個態度好些少嘅店員嚟調停，我亦表示可以唔要嗰10隻鍋貼，唔想要10隻鍋貼係咁比人鬧，嗰個哥哥仔亦話唔好意思叫我同foodpanda講返。大佬，唔係貪快真係唔想食你囉，嘢又唔係好食，仲要無啦啦係咁比人鬧，foodpanda有bug唔奇，但唔好比鍋貼我又要鬧我呀
張貼