影片
更多
2018-08-18
76 瀏覽
銅鑼灣一個車水馬龍嘅地方，返工嘅返工，掃貨嘅掃貨，令人有種喘不過氣嘅壓迫感。我地穿過長長的扶手電梯，彷彿進入了另一個寧靜嘅世界。呢間餐廳位於Tower 535嘅3樓，寧靜嘅環境，寬敞嘅空間，半開放式既座位，輕快嘅背景音樂，令人可以暫時放低工作同生活嘅煩憂。餐廳中午係一個cafe店，有lunch set同咖啡提供。夜晚就會繞身一變變成一間酒吧，俾人飲酒傾計。lunch set 有好多選擇，combo仲可以跟住一杯飲品。我地就揀左三文魚同燒春雞，飲品方面就order左一杯Matcha Latte同一杯Mocha。餐湯係薯仔湯，有好濃嘅薯仔味，配以少少調味嘅香料，個湯感覺好清新，唔會太重忌廉味，比較健康。主菜係香煎三文魚再配以健康嘅藜麥沙律。三文魚皮煎得好脆，但魚肉卻唔會因此變得好老，滑滑嘅魚肉再加脆脆嘅魚皮，外脆內軟嘅多層口感，好味到停唔到口。原本大家己經講好要慢活，chill下，慢慢去享受美食同優雅嘅環境，但呢個魚實在太好味了，我地又以瞬間嘅速度消滅了。另一個主菜係燒春雞配以燒蔬菜。春雞係完隻，皮燒得好脆，雞肉好嫩滑。廚師好貼心咁將雞肋骨去掉，所以除左雞翼同雞脾部位外，其他部位都係去骨雞
餐廳中午係一個cafe店，有lunch set同咖啡提供。夜晚就會繞身一變變成一間酒吧，俾人飲酒傾計。lunch set 有好多選擇，combo仲可以跟住一杯飲品。我地就揀左三文魚同燒春雞，飲品方面就order左一杯Matcha Latte同一杯Mocha。
餐湯係薯仔湯，有好濃嘅薯仔味，配以少少調味嘅香料，個湯感覺好清新，唔會太重忌廉味，比較健康。
主菜係香煎三文魚再配以健康嘅藜麥沙律。三文魚皮煎得好脆，但魚肉卻唔會因此變得好老，滑滑嘅魚肉再加脆脆嘅魚皮，外脆內軟嘅多層口感，好味到停唔到口。原本大家己經講好要慢活，chill下，慢慢去享受美食同優雅嘅環境，但呢個魚實在太好味了，我地又以瞬間嘅速度消滅了。
Rosemary Pan-fried Salmon fillet
19 瀏覽
0 讚好
0 留言
另一個主菜係燒春雞配以燒蔬菜。春雞係完隻，皮燒得好脆，雞肉好嫩滑。廚師好貼心咁將雞肋骨去掉，所以除左雞翼同雞脾部位外，其他部位都係去骨雞肉，啱晒我呢D懶人。燒雞最考功夫嘅地方就係點樣可以令到每一個部位都煮得恰到好處，原本我地以為雞胸一定好老，結果唔係喎，雞胸肉一樣好嫩滑，估佢唔到。雞肉醃得好入味，有淡淡嘅牛油蜜糖味，好香但唔會太濃，唔會蓋過雞肉本身嘅味道。
Honey Roasted Spring Chicken
4 瀏覽
0 讚好
0 留言
Matcha Latte個拉花好靚，抺茶味甘中帶香，口感好滑，唔似其他餐廳嘅只有苦味。即使無加糖，連我呢個平時最怕飲苦茶嘅朋友都覺得非常好味。
Mocha嘅咖啡味好得，一飲就知道D咖啡豆好靚，唔係其他Cafe嘅一般貨色。估唔到呢個餐廳位處於一個咁唔不起眼嘅地方，但咖啡嘅水準同食物嘅質素可以帶俾人意外嘅驚喜。
生活係一種態度。無奈我地好多時候都係被逼住走，無選擇嘅餘地。難得有喘息嘅空間，我地可以選擇一種慢活嘅生活態度，停一停，諗一諗，整理一下煩瑣嘅思緒，享受一下瞬間嘅寧靜，感受一下身邊嘅人和事，用另一個角度去睇呢個世界，可能又會對生活有另一番嘅體會。
張貼
