Oggi (已結業)

今日經過天后呢頭，無意中經過一間舖頭，外牆全也用綠草佈置，感覺很特別，有一種係鬧市一點綠既感覺！餐廳有lunch set 價錢唔算貴，叫左一份香煎龍脷魚柳配芥末忌廉汁加餐湯！是日餐湯係甘筍湯，十分推介，完全唔似外面既西餐廳既罐頭湯味，啖啖甘筍味，而且十分貼心，熱度剛好，飲完好想再添多碗餐包也有驚喜，唔單只熱仲脆口！主菜龍脷魚好味道而且好大份，本來我以為芥末汁會有辣味，反而又無又有濃郁既忌廉汁味，呢個價錢絕對超值至於配菜，有蘆筍，粟米仔，薯仔，雖然有小小咸，但夾埋龍脷魚一齊食又好好味，反而我覺得配菜做得出色另外還有甜品送，係我最愛的朱古力蛋糕，細細舊岩岩好，唔會食唔落，今餐有甜有咸，好豐富的午餐餐廳環境好舒服，燈光柔和，我坐近門口位，仲有d自然光射入黎，而且員工好有禮貌，食完一樣佢就會問你要咩餐飲，感覺一切都好舒服！