Le Viet (已結業)

今日出開旺角想食越南野就黎左呢度餐廳都幾大餐牌上既野食價錢唔算貴 中等價錢我哋叫咗香茅燒烏頭，炸蝦餅，豬頸肉炒金邊粉，牛頸脊湯河。香茅燒烏頭超大條， 燒到好香，中間有條香茅，一拆開出煙，聞到成條魚都好香肉質食落幾Juicy， 唔會dry，同埋無烏頭既泥味👍配果個個汁好辣，我最後點左蝦餅個酸汁😂炸蝦餅都係好推介，炸得熱辣辣好彈牙好好食，配埋個酸汁一流。4件岩岩好2個人食！牛頸脊湯河好正，湯頭好甜，牛頸脊好冧👍配菜有埋 芽茶 幾新鮮爽口，同青檸 辣椒🌶️豬頸肉炒金邊粉，對比其他菜式就相對普通呢間餐廳既調味比較啖口 唔會好重口味我幾欣賞👍平時出街食勁怕落好多味精 佢又唔會咸魚炒芥蘭都好食 😋 幾爽口幾脆 唔會太大碟 咸魚幾香 嘢飲就叫咗杯Mojito 同青檸梳打Mojito 好好飲 好Fresh 酒精唔算好重薄荷同青檸既野飲真係無得輸青檸梳打佢係無落糖漿果款，都幾中意，戒甜既我飲就一流，無乜罪惡感。