We Corner (已結業)

去開佐敦，見到呢間裝修得好有格調嘅餐廳，餐牌啲食物都幾吸引，就一於試吓。是日餐湯職員好快就送上一人一份餐湯，今日嘅餐湯係羅宋湯，好多蔬菜粒，酸酸地幾開胃。小茴番茄手撕豬手工意大利麵 $118一絲絲嘅手撕豬肉質軟嫩，索滿醬汁；呢款手工意大利麵比較幼身，同濃濃嘅茴香番茄好夾好好食。蒜香左口魚裙邊手工扁意粉 $138左口魚魚油豐富甘香，表面微薰，啲魚肉半生熟噉，嫩滑柔軟呢款手工扁意粉好有咬口，彈牙煙韌，蒜味香濃。Tiramisu $88建議再飽都一定要試吓呢個Tiramisu，唔會太甜，有陣陣酒香；上面啲cream幼滑香濃，啲手指餅浸滿濃濃嘅咖啡，但同時又可以保持脆口，每一啖都令人滿足！焙茶鮮奶$48見到個拉花真係「嘩」出聲，好靚嘅獨角獸茶奶比例恰到好處，茶味甘香，奶味順滑。