香港郵意 (已結業)

肥妹仔我平時好鍾意去呢一間香港郵意嗰度飲一杯咖啡食，一個意粉， 去hea過一個週末。百利甜酒拿鐵  $48呢一杯百利甜酒拿鐵係肥妹仔我每一次去都會叫，佢有好香甜嘅百利甜酒香，但咖啡味亦都唔會畀百利甜酒蓋過，層次好分明。白酒辣蒜蜆肉意粉  $88呢一個白酒香辣蒜香意粉做得不錯，佢既白酒蒜香味好濃，每一條意粉都均勻沾上醬汁，食落去唔單調。佢嘅蜆肉都算幾新鮮，意粉煮得剛剛好。All day breakfast  $88呢一個全日早餐入面非常豐富，有煙肉，炒蛋，沙律菜，香腸，大蘑菇等等。煙肉同香腸好好食，唔會過咸，炒蛋炒到好嫩滑，沙律菜好新鮮，蘑菇好濃蘑菇味。