德美壽司

營業中

休息中

夜晚同朋友去咗尖沙咀食日本🇯🇵嘢，叫咗鰻魚朴葉飯🥢、野菜牛肉鍋、温泉蛋天婦羅🍤同加洲手卷。鰻魚朴葉飯鰻魚鮮甜、醬汁香濃、米飯🍚黏度適中，食落有口感。野菜🥬牛肉🐂鍋用料豐富，啖啖牛肉配上野菜、冬菇鮮味令牛肉鍋味道昇華。熱騰騰🔥嘅鍋亦好適合天氣涷嘅時候食。至於最難忘莫過於温泉蛋天婦羅。呢碟亦係我初嚐嘅菜式。温泉蛋嘅流心配上香脆嘅外層味道異常匹配。香濃嘅味道停留係口中。此外，加洲手卷食材用料新鮮, 青瓜🥒爽口，蟹柳、玉子燒等唔同食材令手卷入口層次分明。🤤最後奉送個甜品三色糕亦有意外驚喜，甜度適中，賣相吸引。🍧