串本屋 (已結業)

夜晚想食串燒，於是搵到呢間日式小店-串本屋，店內裝修有典型嘅日式趟門，一邊係日本壁畫，另一邊係香港景色，我諗係寓意在香港繁華鬧市次中的日式料理餐廳提供餐牌，同時提供QR code 手機點餐，非常方便，我哋今次點左鰻魚粒燒飯團、燒白鱔、月見自家制免治雞肉棒、燒牛舌芯、鹽燒門前柳、焦糖烤菠蘿等等燒白鱔外皮脆口，魚質滑溜而唔乾，燒牛燒得唔好嘅話會好難咬，但呢度嘅牛柳&牛舌都燒得岩岩好，口感軟嫩而不韌。每間日式串燒店基本上都會有自家制雞肉棒，呢度嘅雞肉棒特別加入了雞軟骨，令口感更豐富，配合生雞蛋作醬汁，令味道升華食串燒除咗肉類之外，必須點蔬菜或水果類中和，之前在其他地方試過燒菠蘿，而呢度嘅燒菠蘿特別多加了一層焦糖,令菠蘿多了一層脆口焦糖，有驚喜，另外荔枝豚肉串好特別，係一粒荔枝包住豚肉，兩者比想像中夾奇異果乳酸梳打和荔枝乳酸梳打都唔錯，飲酒嘅朋友建議搭配燒雞泡魚，之前食過好多間嘅燒雞泡魚都係好乾而凍，呢度係真係做到熱而唔乾，推薦大家一試去食晚餐果日咁岩有客人夜啲包場，諗起一大班人包場食串燒都幾正，可以考慮吓下次約多啲朋友一齊食