心選 (已結業)

平常都好喜愛到樓上cafe，無論係食飯或者下午茶，因為鐘意佢夠安靜，唔會好似街邊餐廳咁嘈，可以慢慢享受同朋友相聚既時間。今日晚餐就黎左依間係旺角既心選cafe。Cafe入面裝修以木系為主，牆邊有一列胡桃夾子既裝修，非常有特式，成個環境都俾人有好舒服既感覺。餐廳廚房需然唔大，菜單上既選擇唔算好多，不過睇得出樣樣都係好有心機去預備。今晚主菜我地點左辣韓式炸雞長通粉，鰻魚炒飯。辣韓式炸雞長通粉炸雞好辣滑，配用韓式辣醬炒成既意粉，甜度同辣度都岩岩好，非常開胃。鰻魚炒飯佢係用珍珠米炒起既，每粒飯都炒到好乾身，調味都好好，好食！炸薯條薯條係即炸既，熱辣辣好香口！飲品點左Latte同Cappuccino。有熊仔拉花好得意！Cafe仲放左好多board game俾大家玩，要消磨時間一流！