影片
更多
2018-05-28
166 瀏覽
週日約了幾個朋友短聚閒聊，最好就可以食下蛋糕飲下茶，慢慢坐低傾計！之前聽過朋友介紹TEA HUB，話啲蛋糕好食，我地就去試下啦！餐廳用淺色系嘅牆配上木桌椅感覺好舒服。我地去到果陣職員主動俾左餐牌我地，亦溫馨提示餐廳係以自助形式落單嘅。仲可以用八達通俾錢咖！呢間係名乎其實以茶做主題嘅餐廳，個餐牌大部份食物都同茶有關。除左甜品其實仲有主食，好似茶漬飯同雞翼等等(都係用茶做調味)。我地今次係衝著甜品而來，所以無試主食了。見隔離枱嘅茶漬飯都唔錯下次可試下！我地決定叫3個蛋糕set ($58) 加一個戚風蛋糕($55)。蛋糕set 包1位35蚊以內嘅飲品，真係抵!! 不過戚風蛋糕係唔可以轉set的。係餐牌搵唔到蛋糕款式，應該會經常轉款，所以要出去收銀下面嘅蛋糕櫃睇啦！手快有手慢無，因為我地叫左最後一件焙茶黑芝麻朱古力蛋糕。另外仲叫左龍鳳檸檬慕思蛋糕，抹茶雲尼拿芝士蛋糕同伯爵茶戚風蛋糕。焙茶黑芝麻朱古力蛋糕有驚喜！平時食焙茶通常淨係配朱古力，原來同黑芝麻都好夾。 焙茶果好濃郁，黑芝麻好香，但夾埋一齊食黑芝麻味中和左焙茶嘅少少苦澀味。再加埋朱古力，層次分明左。值得一試！伯爵茶戚風蛋糕勝在鬆軟，個cr
之前聽過朋友介紹TEA HUB，話啲蛋糕好食，我地就去試下啦！
餐廳用淺色系嘅牆配上木桌椅感覺好舒服。我地去到果陣職員主動俾左餐牌我地，亦溫馨提示餐廳係以自助形式落單嘅。仲可以用八達通俾錢咖！
呢間係名乎其實以茶做主題嘅餐廳，個餐牌大部份食物都同茶有關。除左甜品其實仲有主食，好似茶漬飯同雞翼等等(都係用茶做調味)。
我地今次係衝著甜品而來，所以無試主食了。見隔離枱嘅茶漬飯都唔錯下次可試下！
我地決定叫3個蛋糕set ($58) 加一個戚風蛋糕($55)。蛋糕set 包1位35蚊以內嘅飲品，真係抵!! 不過戚風蛋糕係唔可以轉set的。
係餐牌搵唔到蛋糕款式，應該會經常轉款，所以要出去收銀下面嘅蛋糕櫃睇啦！手快有手慢無，因為我地叫左最後一件焙茶黑芝麻朱古力蛋糕。另外仲叫左龍鳳檸檬慕思蛋糕，抹茶雲尼拿芝士蛋糕同伯爵茶戚風蛋糕。
焙茶黑芝麻朱古力蛋糕有驚喜！
焙茶黑芝麻朱古力蛋糕
19 瀏覽
0 讚好
0 留言
平時食焙茶通常淨係配朱古力，原來同黑芝麻都好夾。 焙茶果好濃郁，黑芝麻好香，但夾埋一齊食黑芝麻味中和左焙茶嘅少少苦澀味。再加埋朱古力，層次分明左。值得一試！
伯爵茶戚風蛋糕勝在鬆軟，個cream 好薄，完全不油膩。食多兩啖cream 都唔覺肥同埋唔算太甜！市面上嘅伯爵茶產品普遍會偏甜，呢個蛋糕味道適中！
伯爵茶戚風蛋糕
$55
20 瀏覽
0 讚好
0 留言
抹茶雲尼拿芝士蛋糕好滑啊，不過食唔出雲尼拿味。芝士味較重，不過唔係好厚身果種芝士，所以無咩油膩感，食啖茶就沖淡左了！
龍鳳檸檬慕思蛋糕個樣好醒神，淺黃色加龍鳳檸檬皮(青檸加普通檸檬), 個蛋糕好清新，略帶酸，怕酸嘅要考慮下，唔怕酸嘅值得試，因為入口即溶
龍鳳檸檬慕絲蛋糕
14 瀏覽
0 讚好
0 留言
抹茶雲尼拿芝士蛋糕
19 瀏覽
0 讚好
0 留言
我地仲叫左3杯飲品，包括係有汽蝶豆花檸檬梳打，蘋果花紅茶，玫瑰烏龍茶。 職員拎茶過黎果陣俾左個兩分鐘的沙漏我地，建議焗2分鐘之後先飲，好窩心啊！不過我地影完相其實已經超過2分鐘，哈哈。
蘋果花紅茶
15 瀏覽
0 讚好
0 留言
玫瑰烏龍茶
11 瀏覽
0 讚好
0 留言
蝶豆花呢係我地自己加落杯檸檬梳打度，職員建識我地先試蝶豆花嘅原味。但我地試唔到咩味，哈哈。
有汽蝶豆花檸檬特飲
13 瀏覽
0 讚好
0 留言
有汽蝶豆花檸檬特飲
16 瀏覽
0 讚好
0 留言
呢間餐廳滿足晒我地有得食有得飲有得坐住咁傾計嘅需求！下次要試主食同其他口味嘅蛋糕先得！
張貼
