Shine (已結業)

朋友係油尖旺區返工，放工就決定係附近食個飯。間餐廳個入口有少少難搵，我都要用左少少時間去搵......Mix Berry Yogurt呢杯係間餐廳推介，杯粉紅色飲品味道唔錯，唔會好甜，面頭嗰cream仲好滑，生果都好新鮮！芝士菠菜意大利雲吞配煙肉南瓜汁雲吞煮嘅時間掌握得幾好，入面嘅芝士菠菜比例均勻，個南瓜汁同雲吞好夾，仲有粒粒煙肉好有咬口。脆炸德國咸豬手配蜜糖芥末醬隻豬手比想像中大，個皮炸得好脆，啲肉好有咬口，而且唔會炸到冇晒肉汁。火焰雪山甜品表面個蛋白質感做得幾好，入面仲有驚喜，有唔同味嘅雪糕同蛋糕，分別係士多啤梨、朱古力同vanilla味，佢嘅飽肚程度遠超我哋想像！餐廳環境夠寧靜，適合一班想傾密計嘅朋友去。