山旮旯 (已結業)

估唔到銅鑼灣附近會有一個遠離煩囂嘅cafe，不過地點比較隱蔽，其實係鵝頸橋對入近住金龍嘅位置。Cafe裡面好大好空曠，對住馬路但係車唔算多，咁岩秋風起，有d置身於外國嘅感覺。我地近Brunch時間過黎，人客唔多。首先係炸薯條配黑松露醬，薯條選用左粗、扁型，夠熱，黑松露醬都好香。之後就係黑椒蜜糖雞翼，味道非常好，辣味同甜味拿捏得唔錯。 主食係軟殼蟹意粉同wasabi pizza。意粉好creamy同有芝士香味。Pizza fusion味道都幾創新，不過Pizza底係麵包嘅質地，我個人比較鍾意薄脆Pizza底，麵包底會容易飽之餘比較冇口感，所以唔鍾意麵包底嘅可以試其他菜式。