一鍋堂 (瓊華中心)

營業中

休息中

夏天鍾意打邊爐，冬天就更加要打😆 呢間位於瓊華中心，最近做緊會員迎新着數優惠及積分升級，每月會定期回贈會員，包括現金卷、折扣卷、食物卷、延長時間券等，仲有分黃/金/白金卡，好似迪士尼咁，各有9/85/8折優惠券，即刻想去多幾次儲分😂120分鐘任飲任食，四款套餐分別在於牛同海鮮嘅品種。D餐有齊日本黑毛和牛A4+、極上安格斯牛小排、鮮甜桶蠔、帆立貝同鮑魚（碳煮/花雕醉/未熟）。牛肉嫩滑，海鮮鮮甜，淨係食呢幾樣已經回本。如果對肉類唔太大興趣嘅會建議要返其他套餐，唔係嘅話性價比會低咗。自助區有提供火鍋配料、前菜、水果、甜品同飲品。前菜冰冰涼涼夠開胃、熟食大推雙冬枝竹羊腩煲，超級入味，又唔會過鹹，越食越上癮令人一試難忘。菜品新鮮，丸類都多選擇，仲有凍海鮮同炸物。雪糕一定要加Oreo脆脆，另外必試嘅係呢度嘅茶酒，雖然話7%但係真係唔多覺，唔飲開酒嘅絕對接受到。