藏 (已結業)

當銅記只係得返大公司感謝祭嘅人潮同催淚彈嘅煙霧交替出現，我地兩個人只係想搵個靜靜地嘅地方食個晏。多謝老公撞左入去呢間咁正嘅日本餐廳，我覺得身心都recharge左。呢度環境真係好舒服，坐bar枱又可以睇住靚仔師傅整壽司，都係一番享受！作為有選擇恐懼症嘅典型港女，最好梗係廚師發板，唔使我揀啦。一套十件魚生壽司餐，真係好鮮甜。加埋前菜係我最愛嘅茶碗蒸，仲有甜品，差晒電啦我！最後令連我個咀刁老公都話要encore，呢間係揀得過嘅。