滿江紅 (已結業)

約左朋友到尖沙嘴行街直落食dinner,咁岩我地都好鐘意識食四川菜，所以我地就揀左一間幾出名既川菜餐廳到食野。佢既位置好方便，就喺正龍城藥房對面。環境方面，佢既裝修係中國風，坐得好舒服。點完菜，侍應就會送上小食，有滷蛋同海帶絲。我地點左一啲前菜，包括蒜泥白肉同埋皮蛋豆腐。蒜泥白肉真係幾特別，同出面嗰啲好唔同，佢係好通透，薄薄一片，加埋啲蒜泥真係好好味。皮蛋豆腐既皮蛋黃係有少少流心，配埋滑滑既豆腐一齊食，正！粉麵方面，我地叫左雞絲麻辣伴涼粉同埋擔擔麵，呢度既涼粉唔係出面啲扁扁既涼粉，而係圓形既，而且食落去好滑。擔擔麵好有麻醬既味道，一啖一滋味！黎食四川菜，當然要食啲水煮菜式啦！我地就叫左水煮黃蟮片。呢個菜望落真係滿江紅，不過我地叫左小辣，所以食落去都可以接受，岩唔係太食得辣既人既口味。仲有蔥爆羊肉同帶子炒鮮奶都唔錯！最後，我地仲一人點左碗酒釀丸子，完美既ending!順帶一提，呢度既哈密瓜汁同火龍果沙冰都好好肉，配辣野好解辣！👍🏻