Crema

營業中

休息中

跟朋友去完歷史博物館想找個地方溫書，之前來過一次覺得環境、食物唔錯，所以就建議嚟「Cream」。因為舖頭喺地庫，而且大廈外面正在裝修，所以唔知嘅都幾難發現呢間舖。因為基本上過咗晚飯黃金時間，所以人唔算多，環境幾靜幾舒服，同朋友傾計、溫書一流！Menu除咗一般Cafe Shop有嘅咖啡、芝士餅外，都有唔少主食、意粉、就連Pizza都有，選擇種類非常多！因為Lunch食太飽關係，所以同朋友Share主食就夠，今次叫咗個 煙三文魚天使麵 ，三文魚唔錯，但就係菠菜汁味道有啲怪，搞到個成個天使麵難食咗，而且一凍左仲令啲麵漿哂，最後只好放棄。之後就到最鐘意嘅 拉花咖啡 ，其實係因為呢個先會對「Cream」印象咁深刻，兔兔拉花超可愛，因為想俾朋友要兔兔，所以我就叫左要貓貓，不過其實自己覺得貓貓無咁可愛。味道方面，都幾香滑易入口，我平時唔飲得咖啡都幾鐘意飲呢到嘅咖啡。最後叫咗個 藍莓芝士餅 ，大小適中就係一人份量，藍莓醬超正！芝士唔會太漏，而且幾香濃，真係好想食多件啊喂XD！