kikusan (已結業)

母親節因為臨急臨忙都趕唔切book位好在呢度見到仲有位 位置喺希慎非常方便 等咗大約15分鐘因為我哋七大一細 其他小人數嘅通常等五分鐘就入得 侍應態度幾好 但係執碟好慢不過環境幾好 亦都唔會趕客 仲唔收切餅費添 講返嚟食 呢度啲嘢比較辣 木瓜沙律同埋千層豬扒擔擔麵都幾辣但係壽司刺身同卷物都好新鮮好味我仲點咗南瓜麵豉醬牛肉烏冬 幾好味但份量好少鰻魚飯好食 好入味冇魚骨 d 汁撈飯好正有好多都冇影相豚肉鍋貼大大隻 好味 入面啲餡好足豚肉小籠包多汁皮薄上嚟嘅時候熱辣辣好好味呢一間餐廳都幾適合慶祝節日會再嚟幫襯希望到時menu多啲驚喜