影片
更多
2023-04-02
1171 瀏覽
放假想搵間 Café chill 下，飲杯咖啡，打下卡、影下靚相，睇 IG 見有人推介莊士敦道呢間新開嘅「島.聚」。餐廳裝修得幾型格，以柔和簡潔嘅白色同木系為主調，加上落地大玻璃，將室外光綫引進，感覺特別開揚舒適。餐廳 11 點後就會有 All Day Menu 供應，點咗個全日英式早餐、溫泉蛋豚肉生薑燒配十穀飯同是日蛋糕，套餐跟 $28 或以下飲品。全日英式早餐 ($88) 用料很豐富，滿滿一大碟，有炒蛋、煙肉、豬肉腸、火腿、茄汁焗豆、沙律、什菌同牛角窩夫，顏色繽紛，超悅目，未食先興奮。炒蛋水潤嫩滑、煙肉咸香惹味，而豬肉腸亦煎得啱啱好，外形飽滿又富肉香。件牛角窩夫亦非常煞食，質感好酥脆，面頭淋上了甜絲絲嘅蜜糖，入口散發著淡淡牛油香。溫泉蛋豚肉生薑燒配十穀飯 ($78)，薄豚肉用洋蔥、生薑汁煮至入味，豚肉好嫩滑，醬汁又甜又香。把溫泉蛋篤開，將蛋汁與豚肉及十穀飯撈拌同吃，口感好正，味道一流！是日蛋糕 (+$25) 係芝士條，味道不錯，口感好 rich，芝味濃郁。跟餐飲品點咗熱榛子咖啡 (+$4) 同 鮮芒果雪糕奶昔 (+$18)。咖啡質感好順滑，入口帶淡淡榛子香。奶昔真材實料，內有新鮮芒
放假想搵間 Café chill 下，飲杯咖啡，打下卡、影下靚相，睇 IG 見有人推介莊士敦道呢間新開嘅「島.聚」。
餐廳裝修得幾型格，以柔和簡潔嘅白色同木系為主調，加上落地大玻璃，將室外光綫引進，感覺特別開揚舒適。
餐廳 11 點後就會有 All Day Menu 供應，點咗個全日英式早餐、溫泉蛋豚肉生薑燒配十穀飯同是日蛋糕，套餐跟 $28 或以下飲品。
全日英式早餐 ($88) 用料很豐富，滿滿一大碟，有炒蛋、煙肉、豬肉腸、火腿、茄汁焗豆、沙律、什菌同牛角窩夫，顏色繽紛，超悅目，未食先興奮。
炒蛋水潤嫩滑、煙肉咸香惹味，而豬肉腸亦煎得啱啱好，外形飽滿又富肉香。件牛角窩夫亦非常煞食，質感好酥脆，面頭淋上了甜絲絲嘅蜜糖，入口散發著淡淡牛油香。
溫泉蛋豚肉生薑燒配十穀飯 ($78)，薄豚肉用洋蔥、生薑汁煮至入味，豚肉好嫩滑，醬汁又甜又香。把溫泉蛋篤開，將蛋汁與豚肉及十穀飯撈拌同吃，口感好正，味道一流！
是日蛋糕 (+$25) 係芝士條，味道不錯，口感好 rich，芝味濃郁。
跟餐飲品點咗熱榛子咖啡 (+$4) 同 鮮芒果雪糕奶昔 (+$18)。咖啡質感好順滑，入口帶淡淡榛子香。奶昔真材實料，內有新鮮芒果粒，入口甜而不膩。
張貼
