阿拉丁咖喱屋

營業中

休息中

是晚朋友帶我去銅鑼灣食印度菜，我都係一名愛印度菜的小粉絲，今次去一間我朋友常去的正宗印度餐館，名為“阿拉丁咖喱屋”。阿拉丁神燈就見得多，究竟食物係唔係一樣有求必應呢，哈哈。朋友推介一個$228二人套餐，食物包括有胡椒薄脆、印式菜角、去骨燒烤雞、乳酪濃汁蝦、特色印度香飯或白飯及烤餅，仲包埋2杯普通餐飲，如有其他特飲要另行加錢。先講胡椒薄脆，真係有濃郁的胡椒香，辣辣地好開胃。印式菜角，每件菜角都非常飽滿，裡面包咗好多咖哩薯仔餡料，脆香可口。去骨燒烤雞用鐵板熱辣辣送上，香噴噴的烤雞味，雞肉彈牙帶微辣，惹味。乳酪濃汁蝦配上白飯及烤餅一齊食，都很夾，而且2人份量剛好。再多一個菜係香料薯仔椰菜，薯仔好淋身，椰菜新鮮，香料香氣撲鼻，很美味。飲品我加了$8叫了青檸梳打，朋友就飲瑪沙拉奶茶都加了$8，埋單每人都係2百有找，相當划算。餐廳位置仲要剛好在時代廣場對面，位置方便，食完飯又可以去行街消化一下。