Hooray Bar & Restaurant (已結業)

係銅鑼灣，鬧市中心都有個小小天台bar，仲要望到海景，可以相約朋友飲返兩杯，又享受下靚景。夏天就有點兒太曬同太熱，望海位置毫無遮擋。係唔太凍既冬日，反而可以不受環境影響，專心傾計。上次黎飲野，已經係夏天，叫左杯期間限定既綠茶cocktail。Cocktail賣相十分精緻，用上木盒、石板，走日式風格。綠茶味幾香，不過酒味就略為欠奉。另外附上綠茶粉，可以將棉花糖沾上綠茶粉進食。棉花糖味道同口感就好一般，只為過下口癮。