有蒸氣 海鮮石鍋專門店 (已結業)

一直都冇食過蒸氣海鮮鍋，今次有朋友叫我一齊去試吓呢一間有蒸氣，網上評價好似唔錯，不過地方有啲格攝，入到去個場都幾大，唔錯。我哋揀咗最平嘅套餐，店員係會幫你將每一樣野放入蒸氣鍋，然後計時蒸熟，所以每一樣食物都蒸得啱啱好！👍🏿海蝦用竹籤串起好方便，而且非常彈牙，鮑魚都好新鮮，同埋已經將污糟野清除咗可以成啖食🤩聽老闆娘講海鮮係即叫即劏所以係好新鮮，係貨真價實，所以價錢唔算平，不過食物嘅質素真係幾高。