影片
更多
2014-08-25
2173 瀏覽
今個星期五特登請左假, 打算好好享受一下最後的夏季 約左中學好朋友去睇生命中的美好遺憾, 早場睇完都係11點半, 心情起伏有點大, 要搵個地方好好整理一下... 想食all-day breakfast, 知道黑布街有幾間有名的甜品店, 於是就邊openrice邊行過去碰下運氣, 睇下搵到咩餐廳 行到差不多next station個時, 見到呢個綠色木門就比佢吸引住, 沉實的綠色帶比人平靜穩定的感覺... 見到寫住coffee company原以為係飲咖啡既地方, 查一查發現都有brunch食喎, 一於入去嘆一嘆... 推開門... 左邊係調製咖啡的廚房, 仲有bar枱同櫈, 可以一邊望住整咖啡的過程一邊嘆咖啡, 另外右邊仲有4張2人枱~ 入去個時未夠12點, 只係坐左一張2人枱, 我地揀左張較入的2人枱, 放低背囊就開始揀野食~ 廚房上面仲有塊黑板畫了不同的推介同餐廳介紹 MENU面印住大大個名字, 都唔記得左問點解叫knockbox添... 食物種類唔算多, 熱食都係all-day breakfast個種, 有sandwich, egg benedict咁,
行到差不多next station個時, 見到呢個綠色木門就比佢吸引住, 沉實的綠色帶比人平靜穩定的感覺... 見到寫住coffee company原以為係飲咖啡既地方, 查一查發現都有brunch食喎, 一於入去嘆一嘆...
推開門... 左邊係調製咖啡的廚房, 仲有bar枱同櫈, 可以一邊望住整咖啡的過程一邊嘆咖啡, 另外右邊仲有4張2人枱~ 入去個時未夠12點, 只係坐左一張2人枱, 我地揀左張較入的2人枱, 放低背囊就開始揀野食~ 廚房上面仲有塊黑板畫了不同的推介同餐廳介紹
MENU面印住大大個名字, 都唔記得左問點解叫knockbox添... 食物種類唔算多, 熱食都係all-day breakfast個種, 有sandwich, egg benedict咁, 亦特別地有英國傳統小食fish&chips! 平日仲有個lunch set, 有個sandwich加杯coffee都係$50樓下, 相比下都幾抵食;)
呢度飲品主要係coffee, 濃既可以揀expresso, 想無咁苦既可以揀cappuccino, 亦都有少量花茶以供選擇~ 仲有精選咖啡, 識飲既可以試下唔同地方, 唔同處理手法的咖啡, 睇下邊隻岩自己口味 擰轉面我仲見到部大大既咖啡儀器, 雖然我無見到有人用, 不過我估係蒸餾咖啡掛XP
其實係近收銀機上面有塊黑板附有圖片解釋每款咖啡的成份, 幾多%奶幾多泡呀, 不過全部都係同等份量既咖啡~ 好喇, 唔係咖啡專家既我最後決定去問店員有咩推介 店員先了解我喜歡牛奶的程度同接受苦的能力, 然後推介Flat White比我Piccolo比我朋友, 然後我發現Flat White原來唔係黑板上, 所以有時都係問下店員好! 之後我地再落埋食物比埋錢就可以坐低等食喇
是日既咖啡廚房有2位店員為我地服務, 係一堆我睇唔明既儀器前面泡製咖啡, 當咖啡完成後, 佢地會小聲呼喚客人然後係吧枱入面遞出黎, 客人要稍稍起身接過放上自己枱上~
首先完成的是朋友的Piccolo, 一看深棕色就知味道頗濃, 完全符合朋友的要求, 咖啡味較出亦比較澀, 香味留係口中久而不散...
然後就是我的Flat White, 相比下顏色較淺白, 牛奶的成份明顯較高, 味道比較淡一點, 可以嗅到咖啡香不過就沒有咖啡的澀, 對我黎講較易入口 2杯咖啡表面都有精美的拉花圖案及洋洋咖啡香味~
雖然舖面只係見到咖啡吧枱, 不過裡面其實仲有個真正的廚房! 品嘗過咖啡之後, 我點的全日早餐就出場喇! 賣相真係幾吸引, 有齊我中意食既款式: 滑蛋, 薯餅, 腸仔, 炒磨菇, 茄汁豆, 沙律同多士 相信比較多人注意滑蛋啦, 我覺得炒得唔錯, 香香滑滑, 帶少許香草味, 不論係就咁食定送麵包都一流!
最後就係朋友的egg benedict~ 賣相都不錯而且幾吸引, 2塊muffins旁邊亦有沙律, 甚為健康~ 係可惜蛋太熟, 失去流蛋黃汁既一幕, 不過都係一隻半熟蛋, 朋友所言就味道頗好
係廚房對面的牆身掛上數幅黑白照, 可以見到非洲小童無得食野, 餓到骨瘦如柴... 反觀我地仲可以坐係咖啡室慢慢嘆早餐嘆咖啡, 何其幸福 所以一定要記得珍惜! 同唔好浪漫食物!
張貼
