影片
更多
2006-06-15
6 瀏覽
好少特登行黎呢一邊﹐因為無咩特別好野食。估唔到今日比我發現左九龍城以外一間幾不俗既hawker小菜館。我地兩個人叫左Pad Thai(炒金邊粉)、Som Dum Bu(木瓜沙律-用蟹仔instead of蝦米)、Kao Pud Kra Pao(香葉肉碎炒飯)。平凡小炒其實先考到功夫﹐特別係對我呢D十餐有七餐係泰菜既人黎講)。鑊氣真係好夠﹐所以Pad Thai好乾爽﹐唔會有蔬菜出水既程況﹐不過如果無咁甜可能會再好D。花生唔會落得太誇張﹐不過當然有D人會喜歡多D。唔油膩係重點﹐因為又要乾爽又要唔油又唔會整都黏賣一舊。Kao Pud Kra Pao都有板有眼﹐亦都係唔算油膩﹐或者唔係太夠辣﹐但係都好香下﹐香葉味道好突出。其實食泰菜既地方一般都有美味4寶﹐入面有辣椒粉﹐所以唔夠辣既炒飯麵都可以自己加﹐唔怕鹹加辣椒魚露都好正﹐因為有辣椒切粒係裡面。Som Dum Bu係比較少人特登去叫既﹐一般會叫Som Dum﹐即落蝦米既木瓜沙律。我自己比較鐘意呢種落蟹仔既Som Dum Bu﹐因為唔會落糖少D﹐唔會甜。而且有蟹仔殼食﹐口感唔錯。呢一間既Som Dum Bu都落幾多青檸下﹐食落十分醒胃﹐而且相信
我地兩個人叫左Pad Thai(炒金邊粉)、Som Dum Bu(木瓜沙律-用蟹仔instead of蝦米)、Kao Pud Kra Pao(香葉肉碎炒飯)。平凡小炒其實先考到功夫﹐特別係對我呢D十餐有七餐係泰菜既人黎講)。
鑊氣真係好夠﹐所以Pad Thai好乾爽﹐唔會有蔬菜出水既程況﹐不過如果無咁甜可能會再好D。花生唔會落得太誇張﹐不過當然有D人會喜歡多D。唔油膩係重點﹐因為又要乾爽又要唔油又唔會整都黏賣一舊。
Kao Pud Kra Pao都有板有眼﹐亦都係唔算油膩﹐或者唔係太夠辣﹐但係都好香下﹐香葉味道好突出。其實食泰菜既地方一般都有美味4寶﹐入面有辣椒粉﹐所以唔夠辣既炒飯麵都可以自己加﹐唔怕鹹加辣椒魚露都好正﹐因為有辣椒切粒係裡面。
Som Dum Bu係比較少人特登去叫既﹐一般會叫Som Dum﹐即落蝦米既木瓜沙律。我自己比較鐘意呢種落蟹仔既Som Dum Bu﹐因為唔會落糖少D﹐唔會甜。而且有蟹仔殼食﹐口感唔錯。呢一間既Som Dum Bu都落幾多青檸下﹐食落十分醒胃﹐而且相信連我都覺得夠酸﹐好少人會嫌。
整體而言﹐呢間小店雖然係好簡樸﹐但係質素一定贏連鎖泰國菜館。如果你住港島﹐咁o岩就唔到時間過九龍城﹐可以考慮黎呢間食正宗泰國街頭小吃同小炒。
張貼