Lab Eat Bistro (豉油街) (已結業)

見到啲食評都是推介海陸空半自助餐, 但因想悠閒地吃一餐, 所以揀咗個閒日來吃午市套餐. Lab Eat雖在熱鬧的旺角市中心, 但因在T.O.P.樓上, 所以給人一種自成一角的超然感覺. 如食評介紹, 裝潢偏年輕路線加工業風, 主打西式料理. 雖然見到個好有feel 的陽台區,但下午真的太熱, 所以選擇了室內圓形的卡座. 研究咗一輪菜單後， 決定叫芝士牛肉漢堡包, 鮮茄芝士豬扒焗飯, 哈哈， 有點芝士控添， 薯條方面，要求轉蕃薯條, 竟不用加錢, 讚!! 個漢堡牛肉煎得剛剛好, 唔會過老, 牛味濃但不太腻, 可能是因油脂分佈平均. 個豬扒焗飯既蕃茄就令個飯提鮮不少. 酸酸甜甜， 好快就KO 哂，跟餐既湯同咖啡， 就正正常常。 開開心心， 休閒休閒咁又一餐， 正！