影片
更多
2021-08-06
101 瀏覽
見到屋企樓下附近開左間新嘅串燒店，見冇咩人排隊又好耐冇食串燒，於是就入去試試佢。鋪頭唔算大，分左上下層，上面係bar枱形式，幾適合約埋朋友或者收工一齊嚟chill下。餐牌上嘅串燒選擇都幾多。日本雞皮 $38燒得非常香脆，咬落脆卜卜冇油膩感。玉子燒 $28呢個本人大愛，真心推薦，燒過嘅玉子燒將佢本身嘅香甜再提升到另一個層次，而且口感仍然保持到綿滑。土手燒 $38牛肉非常入味同稔，醬汁充滿住醬汁，而香蔥亦都令到菜式唔會重口味，帶嚟清新感。左1 - 京蔥雞髀肉 $38雞肉燒得啱啱好，鎖住曬肉汁唔會乾身。左2 - 燒鵪鶉蛋 $28平時鹽焗就食得多，呢個係加左醬油再去燒，比平時食嘅味道有更多嘅層次。右2 - 豬腩葡萄卷 $42又一個真心推薦！惹味嘅豬腩肉包裹住香甜脆口嘅葡萄，咬落2種不同嘅口感爆發出超夾嘅味道，呢個不能不試。右1 - 鹽燒牛舌 $48牛舌嘅份量好足料，口感好彈牙，而完全唔會有蘇味。大燒蠔 $88燒蠔嚟講，佢嘅蠔味好濃郁，食落隻隻都充滿蠔水，愛蠔人士推薦試試。大坂牛肉飯 配胡麻蕃茄呢個都係土手燒，不過有珍珠米墊底，相對味道冇咁重，米飯吸收左肉汁，令人一啖再一啖咁食。燒油甘魚鮫 $1
鋪頭唔算大，分左上下層，上面係bar枱形式，幾適合約埋朋友或者收工一齊嚟chill下。
餐牌上嘅串燒選擇都幾多。
日本雞皮 $38
燒得非常香脆，咬落脆卜卜冇油膩感。
玉子燒 $28
呢個本人大愛，真心推薦，燒過嘅玉子燒將佢本身嘅香甜再提升到另一個層次，而且口感仍然保持到綿滑。
土手燒 $38
牛肉非常入味同稔，醬汁充滿住醬汁，而香蔥亦都令到菜式唔會重口味，帶嚟清新感。
左1 - 京蔥雞髀肉 $38
雞肉燒得啱啱好，鎖住曬肉汁唔會乾身。
左2 - 燒鵪鶉蛋 $28
平時鹽焗就食得多，呢個係加左醬油再去燒，比平時食嘅味道有更多嘅層次。
右2 - 豬腩葡萄卷 $42
又一個真心推薦！惹味嘅豬腩肉包裹住香甜脆口嘅葡萄，咬落2種不同嘅口感爆發出超夾嘅味道，呢個不能不試。
右1 - 鹽燒牛舌 $48
牛舌嘅份量好足料，口感好彈牙，而完全唔會有蘇味。
大燒蠔 $88
燒蠔嚟講，佢嘅蠔味好濃郁，食落隻隻都充滿蠔水，愛蠔人士推薦試試。
大坂牛肉飯 配胡麻蕃茄
呢個都係土手燒，不過有珍珠米墊底，相對味道冇咁重，米飯吸收左肉汁，令人一啖再一啖咁食。
燒油甘魚鮫 $118
燒過嘅魚肉裡面嘅魚油迫曬出嚟，啖啖都係魚油香。而外皮同魚鰭都燒得脆脆，肉質就保持嫩滑。
滑滑嘅魚肉大啖食
總結：餐廳有豐富嘅食物選擇，而且味道充滿誠意，而且地點方便，係一個同朋友去chill嘅好地方。
張貼
