月．火鳳燒鳥 (已結業)

旺角黑布街入邊好多唔同嘅餐廳，尤其是近排更加係人頭湧湧！今次行過見到有一間幾有型嘅居酒屋，入邊嘅裝修型格得來，又帶點日本風，所以就同朋友入去試一試。餐廳主要係食爐端燒，坐低就會有個前菜，好似醃蘿蔔咁樣，都幾開胃。叫咗一份刺身同埋味增牛舌，同埋一啲串燒。刺身有四款份量都唔算多，不過質素非常高！尤其是深池，真係好新鮮好好食！味增牛舌原來都幾大份，入邊牛舌煮得好淋，好似牛腩咁樣😂好味！串燒好驚喜，因為全部調味都好好！