影片
更多
2021-10-20
38 瀏覽
鬧市朋友鐘意在旺角捐窿捐罅搵食，今日佢帶左去一間旺角樓上cafe，如果唔係佢帶我去，我都唔知呢度會有間cafe添。呢度全層係屬於呢間餐廳，餐廳裝修簡約，感覺舒服，呢度仲有個舞台可以比人表演，地方乾淨整齊。呢度嘢食都多喎，今次朋友話事，佢點左餐湯、沙律、兩款主菜同飲品。先黎個wellcome drink，呢個係西瓜沙冰，甜甜冰凍，响街行到熱辣辣就啱晒。見到餐湯好開心，上面有兩個笑臉。我揀左蘑菇湯，入口粒粒蘑菇，鹹鹹地，幾好飲。朋友就揀左南瓜湯，佢話湯好甜，南瓜味濃，佢好鐘意。沙律係柚蜜寒天海藻沙律，菜洗得乾淨，爽口。寒天海藻晶瑩通透，樣似啫喱，口感煙韌，加埋柚蜜做醬汁，味道甜甜地，都幾夾喎。煙三文魚他他多士食落有卜卜聲蟹子夾埋三文魚蓉，沙律甜甜帶微酸，好好食。旁邊仲有兩條蒜蓉多士，多士好脆，蒜蓉味亦濃，幾好。其中一款主菜係溫泉蛋意式卡邦尼意粉，意粉煮得爽口，呢款意粉外面食通常重忌廉味，而呢度就比較重蛋味，忌廉味淡，所以就覺得香d同滑d，亦唔會覺得好漏，配埋煙肉鹹鹹地一齊食，唔錯喎。另一款主菜係慢煮安格斯西冷，西冷唔算話好肥，厚薄適中，約七成熟，肉仲係紅紅地。呢度好貼心，將肉切開左一片片，
呢度全層係屬於呢間餐廳，餐廳裝修簡約，感覺舒服，呢度仲有個舞台可以比人表演，地方乾淨整齊。
呢度嘢食都多喎，今次朋友話事，佢點左餐湯、沙律、兩款主菜同飲品。
先黎個wellcome drink，呢個係西瓜沙冰，甜甜冰凍，响街行到熱辣辣就啱晒。
見到餐湯好開心，上面有兩個笑臉。我揀左蘑菇湯，入口粒粒蘑菇，鹹鹹地，幾好飲。朋友就揀左南瓜湯，佢話湯好甜，南瓜味濃，佢好鐘意。
沙律係柚蜜寒天海藻沙律，菜洗得乾淨，爽口。寒天海藻晶瑩通透，樣似啫喱，口感煙韌，加埋柚蜜做醬汁，味道甜甜地，都幾夾喎。煙三文魚他他多士食落有卜卜聲蟹子夾埋三文魚蓉，沙律甜甜帶微酸，好好食。旁邊仲有兩條蒜蓉多士，多士好脆，蒜蓉味亦濃，幾好。
其中一款主菜係溫泉蛋意式卡邦尼意粉，意粉煮得爽口，呢款意粉外面食通常重忌廉味，而呢度就比較重蛋味，忌廉味淡，所以就覺得香d同滑d，亦唔會覺得好漏，配埋煙肉鹹鹹地一齊食，唔錯喎。
另一款主菜係慢煮安格斯西冷，西冷唔算話好肥，厚薄適中，約七成熟，肉仲係紅紅地。呢度好貼心，將肉切開左一片片，同朋友share就夠晒方便。慢煮西冷唔算太韌，容易咬開，我覺得點埋旁邊燒汁就最好食。配菜揀左煙肉酸忌廉焗薯，焗薯焗到剛剛好，唔會太硬亦唔會太淋，加埋煙肉酸忌廉一齊食，味道唔會太鹹，整體滿意。
飲品我就揀左香橙水果茶，飲落橙味濃，甜甜地幾好飲。朋友就揀左白桃蝶豆花，顏色靚，佢話有淡淡白桃味但又唔會蓋過蝶豆花味道，甜甜地，調味調得好好。
張貼
