影片
更多
2021-11-27
1049 瀏覽
因為臨近聖誕，當然要約下啲好友相聚。朋友推介呢間法國私房菜，一班姊妹當然冇反對，呢一間餐廳距離地鐵站只有幾分鐘，係一座商業大廈嘅23樓裏面，地方細細哋，但係坐得舒服，而且窗外嘅街景亦都開揚，對環境絕對唔會投訴，不過亦都因為地方比較細，而且今晚個場滿曬人，隔離枱講嘢又鬼咁嘈，除了我對耳有啲受苦外，大家姊妹傾計都要大聲啲；所以如果以為呢間法國餐係會有個好浪漫好靜嘅環境畀你嘅話，就絕對要考慮清楚，若果唔介意嘈到好似酒樓咁嘅，都可以接受。 最後成班姊妹每人食咗一千蚊。今晚Set Dinner 有三個畀你選擇， A) 前菜+主菜+甜品 B) 前菜+湯+主菜+甜品 C)前菜x2+湯+主菜+甜品，我哋大家都係揀咗 Set Dinner B，再加上大家都帶咗啲白酒紅酒同埋香檳，散好好享受一個晚餐。 「餐前麵包」由於仲有姊妹味道，大家有啲肚餓，又開始想飲啲酒，唯有食下啲麵包頂住肚！ 啲麵包好軟好甜好好味， 當晚啲麵包完全同啲白酒係絕配， 麵包有兩款， 一款係提子包，另一款係芝士麵包，裏面有一粒粒芝士。「香煎鵝肝配紅桑子汁」鵝肝煎得香脆金黃，入口即溶，加上配紅桑子汁，個口感令人無比興奮。本身鵝肝入口較為有
今晚Set Dinner 有三個畀你選擇， A) 前菜+主菜+甜品 B) 前菜+湯+主菜+甜品 C)前菜x2+湯+主菜+甜品，我哋大家都係揀咗 Set Dinner B，再加上大家都帶咗啲白酒紅酒同埋香檳，散好好享受一個晚餐。
「餐前麵包」
由於仲有姊妹味道，大家有啲肚餓，又開始想飲啲酒，唯有食下啲麵包頂住肚！ 啲麵包好軟好甜好好味， 當晚啲麵包完全同啲白酒係絕配， 麵包有兩款， 一款係提子包，另一款係芝士麵包，裏面有一粒粒芝士。
「香煎鵝肝配紅桑子汁」
鵝肝煎得香脆金黃，入口即溶，加上配紅桑子汁，個口感令人無比興奮。本身鵝肝入口較為有一種肥膩嘅感覺，所以有水果伴碟，令你經常保持清新。
「洋蔥湯」
通常啲人都咁龍蝦湯，但係我同另一位姊妹就揀咗洋蔥湯， 因為要煮得一手好嘅洋蔥湯係要好講技巧，雖然呢度洋蔥湯姆一個酥皮包住，但係仍然味道香濃，唔會太鹹或者太甜，味道適中。
「澳洲羊架配芥末汁」
叫咗個medium rare嘅羊架， 羊架雖然分量細細， 但係相信係優質嘅羊架，羊肉軟淋淋冇黐牙，加埋個芥末汁， 真係食到舐舐脷。
「法式焗油封鴨脾」
姊妹叫咗呢一個焗油封鴨脾，話係嚟到呢度一定要食，油封鴨脾焗度外脆內軟， 鴨肉嫩滑，配埋啲汁都好好味。
「法式焦糖燉蛋」
Creme Brulee！焗得啱啱好，好滑身！
「蘋果撻配吉士打汁」
蘋果批薄薄一片， 上面有一個雲呢拿雪糕， 吉士打汁亦都唔係特別多，所以反而覺得呢一個甜品冇咩特別驚喜， 當然甜品嘅嘢， 有陣時都係送酒好伴侶。
20 瀏覽
0 讚好
0 留言
張貼
