影片
更多
2022-09-22
25 瀏覽
係旺角行街食糖水係好多人都會做嘅事，旺角有咁多間糖水舖可以選擇，但肥妹仔就偏偏俾依間門口個公仔吸引到🧸餐廳環境全要由粉紫色同白色組成，令人覺得好舒服，同有一種好想食芋圓芋泥嘅感覺☺️原來餐廳唔止有糖水同飲品，仲有台式小食同飯餐架，咁就先食飯再食糖水啦😋三杯雞飯套餐$46套餐內容豐富，有主食、滷水小食、糖水同埋飲品👍三杯雞好惹味，再配埋健康嘅紅米飯🍚豬耳同樣惹味，楊枝甘露配仙草甜甜哋滑溜中帶啲QQ感，仲有大大杯巨峰提子梳打，飲落好清新，仲有寒天珠珠增加口感😬分享大拼盤$1283x3嘅方格盤，九種唔同小食口感各有不同，滷水味好足點點抹茶鮮奶茶$38厚厚實實嘅奶蓋增加左口感同味道層次，由於小甜，甜度適中仲夏夜之夢$38顏色相當吸引，飲落似梳打汽水，底下仲有啫喱冰極芋圓窩$128一上台仙氣十足（用咗乾冰加水🤡）相當吸睛，打卡一流📸，配料都好足，芋泥、芋圓、桃膠、仙草、紅豆通通都有，配埋黑糖糖水底，食落唔會太膩整體來講，食物賣相同味道都唔錯，不過服務上就有有待改進，門面人手非常不足一個女職員睇晒全場，睇到佢都有啲應接不暇，另外唔知係唔係岩岩開鋪人手未返齊，後廚出餐時間都比較耐，到晏少少速度就加快了
餐廳環境全要由粉紫色同白色組成，令人覺得好舒服，同有一種好想食芋圓芋泥嘅感覺☺️原來餐廳唔止有糖水同飲品，仲有台式小食同飯餐架，咁就先食飯再食糖水啦😋
三杯雞飯套餐$46
套餐內容豐富，有主食、滷水小食、糖水同埋飲品👍三杯雞好惹味，再配埋健康嘅紅米飯🍚豬耳同樣惹味，楊枝甘露配仙草甜甜哋滑溜中帶啲QQ感，仲有大大杯巨峰提子梳打，飲落好清新，仲有寒天珠珠增加口感😬
分享大拼盤$128
3x3嘅方格盤，九種唔同小食口感各有不同，滷水味好足
點點抹茶鮮奶茶$38
厚厚實實嘅奶蓋增加左口感同味道層次，由於小甜，甜度適中
仲夏夜之夢$38
顏色相當吸引，飲落似梳打汽水，底下仲有啫喱
冰極芋圓窩$128
一上台仙氣十足（用咗乾冰加水🤡）相當吸睛，打卡一流📸，配料都好足，芋泥、芋圓、桃膠、仙草、紅豆通通都有，配埋黑糖糖水底，食落唔會太膩
整體來講，食物賣相同味道都唔錯，不過服務上就有有待改進，門面人手非常不足一個女職員睇晒全場，睇到佢都有啲應接不暇，另外唔知係唔係岩岩開鋪人手未返齊，後廚出餐時間都比較耐，到晏少少速度就加快了
張貼
