影片
更多
2022-04-23
239 瀏覽
呢間「樂舍」其實早兩個月已經 bookmark 咗，不過由於疫情關係，店舖暫停營業。最近得知餐廳已於 4 月初 re-open，趁有消費券在手，即刻約人出嚟食返餐好。餐廳設有室內同户外座位，店內空間寬敞，裝潢以簡約風為主，環境優雅舒服，而戶外用餐區則種滿各式植物，猶如一個隱藏喺鬧市中嘅秘密小花園般，感覺好 chill。餐廳主打西日料理，午市有套餐供應，選項好豐富，有沙律、意粉、丼飯和定食等，另外亦有石燒扒類可供選擇。點咗兩個熱石扒餐，澳洲牛肉眼 200g ($149) 同 加拿大保濕豬柳 200g ($119)，每個 Lunch Set 都會附送沙律、湯及飯，配冷熱咖啡、茶或 Coke 亦只需 +$10。兩款肉扒同時送上，熱辣辣，吱吱作響。揭開面頭嘅牛油紙，兩塊扒嘅賣相都很美觀，呈完美格仔紋。先將肉眼切開，肉色粉嫩嫣紅，十分誘人。把兩面輕燒入口，肉味好濃郁，嚼感柔軟 Juicy 但又不失咬口，肉質完全唔嚡，而且入口更可嚐到一絲絲肉嘅纖維質感。保濕豬柳水準亦很不錯，扒身厚近大半吋，肉質軟腍不韌，燒至邊位微脆，肉帶甜香，肉汁很豐富，點燒汁吃，更能帶起肉香。今餐食得好滿意，食物有水準、服務亦
呢間「樂舍」其實早兩個月已經 bookmark 咗，不過由於疫情關係，店舖暫停營業。最近得知餐廳已於 4 月初 re-open，趁有消費券在手，即刻約人出嚟食返餐好。
餐廳設有室內同户外座位，店內空間寬敞，裝潢以簡約風為主，環境優雅舒服，而戶外用餐區則種滿各式植物，猶如一個隱藏喺鬧市中嘅秘密小花園般，感覺好 chill。
餐廳主打西日料理，午市有套餐供應，選項好豐富，有沙律、意粉、丼飯和定食等，另外亦有石燒扒類可供選擇。
點咗兩個熱石扒餐，澳洲牛肉眼 200g ($149) 同 加拿大保濕豬柳 200g ($119)，每個 Lunch Set 都會附送沙律、湯及飯，配冷熱咖啡、茶或 Coke 亦只需 +$10。
兩款肉扒同時送上，熱辣辣，吱吱作響。揭開面頭嘅牛油紙，兩塊扒嘅賣相都很美觀，呈完美格仔紋。
先將肉眼切開，肉色粉嫩嫣紅，十分誘人。把兩面輕燒入口，肉味好濃郁，嚼感柔軟 Juicy 但又不失咬口，肉質完全唔嚡，而且入口更可嚐到一絲絲肉嘅纖維質感。
保濕豬柳水準亦很不錯，扒身厚近大半吋，肉質軟腍不韌，燒至邊位微脆，肉帶甜香，肉汁很豐富，點燒汁吃，更能帶起肉香。
今餐食得好滿意，食物有水準、服務亦唔錯，而家恢復返晚市堂食，遲啲一定要約朋友過嚟聚一聚。
張貼
