素一 (已結業)

近排見fb推介呢間素食自助餐，藉住母親節就帶媽咪黎試下雖然身處喺寸金尺土既銅鑼灣，但定價好貼地，難怪開張唔到兩個月已經座無虛席。餐廳就喺世貿旁邊嘅商業大廈地庫一樓，好易搵，最重要係唔使排隊搭lift，一落電動樓梯就到門口畫有一幅畢加索風格既壁畫，用色繽紛，令人有耳目一新嘅感覺。原來素食都可以有好多選擇，食物烹調融合咗中日風格，款式新穎，見在場都有唔少年輕人捧場，食齋唔再係老人家嘅特權。擺喺熱爐最前位置既芋頭同番薯大顆圓潤，人人經過都忍唔住拎返個口感食起黎同外面既完全唔同。外皮乾身，一啲都唔濕，唔似蒸煮而成，蕃薯肉更香甜，令人好奇到底師傅係點整場內亦有沙律菜同醬料吧，作為開胃菜適合不過。炸物金黃香脆，其中炸饅頭同南瓜餅深得我喜愛南瓜餅入口香甜綿密，絲毫不油膩；炸饅頭外脆內軟，配合煉奶食，既係主食又似甜品，忍唔住一口氣食左兩個。白烚娃娃菜同炒菜心都整得好淋，即使擺左段時間仍然新鮮翠綠；麻婆豆腐個汁帶微辣，好惹味，啲肉碎口感同真豬肉一模一樣薑醋蛋煮到好好好好好入味中華沙律好爽口素餃內餡包左滿滿既蘿蔔、木耳同椰菜碎，口感豐富鮮嫩，唔會好寡。絕對要推薦呢啲素食壽司，簡直幾可亂真出自經驗日本菜師傅