影片
更多
2020-03-22
97 瀏覽
呢排社會有好多光怪陸離嘅事情發生，所以BALL就搵朋友出去食下野，放鬆一下。今次就去到位置上環摩羅上街同用懷舊中式杯做賣點之一嘅半路咖啡，CHILL下。.店舖有室內同室外位置，店內就以簡約裝修為主。水泥牆身加上木製傢俱，配合埋柔和燈光，令人覺得置身喺鬧市中嘅綠洲一樣，十分平靜。室外嘅傢俱都擺放左唔同嘅木製傢俱，雖然張張凳都唔同，而且有高有低、有大有細，但配合摩羅上街嘅環境，令到成件事毫無違和感，反而另有特色。.餐廳其中一個賣點同打卡位就係佢地嘅咖啡，因為佢地會用唔同款式嘅中式懷舊杯黎裝咖啡。今次就試左杯Flat White，雖然Espresso成份比較多，但飲落去亦唔會太過苦，岩晒我呢D唔鍾意苦嘅人。.至於食物方面，BALL就試左Pasta同Sourdough，兩款食物都唔錯。Pasta麵質彈牙，自家製嘅蕃茄醬亦唔會太酸或太膩，味道剛剛好，而且個蝦亦唔會俾蕃茄醬蓋過左佢本身嘅鮮味。Sourdough加上爆漿溫泉蛋同Creamy牛油果，令到原本外脆內軟嘅Sourdough昇華晒。香濃蛋漿令麵包充滿蛋香，而牛油果就令到個口感更加豐富。碟邊嘅芒果醬都好好食，而且加埋落煙三文魚到，令到三文魚冇
.
店舖有室內同室外位置，店內就以簡約裝修為主。水泥牆身加上木製傢俱，配合埋柔和燈光，令人覺得置身喺鬧市中嘅綠洲一樣，十分平靜。室外嘅傢俱都擺放左唔同嘅木製傢俱，雖然張張凳都唔同，而且有高有低、有大有細，但配合摩羅上街嘅環境，令到成件事毫無違和感，反而另有特色。
.
餐廳其中一個賣點同打卡位就係佢地嘅咖啡，因為佢地會用唔同款式嘅中式懷舊杯黎裝咖啡。今次就試左杯Flat White，雖然Espresso成份比較多，但飲落去亦唔會太過苦，岩晒我呢D唔鍾意苦嘅人。
.
至於食物方面，BALL就試左Pasta同Sourdough，兩款食物都唔錯。Pasta麵質彈牙，自家製嘅蕃茄醬亦唔會太酸或太膩，味道剛剛好，而且個蝦亦唔會俾蕃茄醬蓋過左佢本身嘅鮮味。Sourdough加上爆漿溫泉蛋同Creamy牛油果，令到原本外脆內軟嘅Sourdough昇華晒。香濃蛋漿令麵包充滿蛋香，而牛油果就令到個口感更加豐富。碟邊嘅芒果醬都好好食，而且加埋落煙三文魚到，令到三文魚冇咁鹹，味道岩岩好。
.
如果大家想行開下，忘記左呢個世界，可以黎呢度Chill下。飲杯咖啡，同朋友傾下計，放鬆下。不過建議大家要早D去，因為BALL3點去到都仲係Full晒。
張貼
