INN - I’m Not Nothing (已結業)

元朗雞地一向都出名好食美食，最近經過發現一間新開嘅餐廳，裝飾用咗好多綠色植物，感覺清新就入去食個lunch。我叫左一個lunch set, 隨主菜有餐湯，南瓜湯好好飲，有濃厚嘅南瓜味，而且唔會好咸，飲得出唔係出面一般嘅味精湯。我見佢套餐加特飲半價，又好耐冇飲milkshake，就點左杯士多啤梨藍莓奶昔。飲品賣相吸引，上面嗰cream好滑，下面嘅奶昔調得好好，士多啤梨同藍莓比例適中，而且杯野係新鮮水果打出黎，fresh得黎唔會好甜。主菜香燒焗豬肉眼配肉桂蘋果醬終於到，擺碟有心思，令人食指大動。呢道菜做得好有層次，上面係新鮮芽菜仔，豬肉眼扒上面係酸酸甜甜嘅蘋果蓉，而豬扒下面就係配菜粟米仔、紅蘿蔔同青荀，最底就係薯蓉，十分豐富。豬肉眼扒焗得幾好，肉汁仍然鎖住，而且唔會出油，配合個燒烤汁食非常夾。值得一提係蘋果蓉同豬扒一齊食出奇地好食，呢個都幾驚喜。薯蓉份量好多，做得好軟身，配合個汁食完已經好飽。餐廳食物質素唔錯，而且環境寧靜，充滿植物令人放鬆，大家有機會都可以去充下電。