麵館皇

營業中

休息中

某日晚上自己一個行開銅鑼灣，肚餓想搵啲嘢食，唔覺唔覺行咗去登龍街。近年登龍街新大廈落成，新食肆頻繁開張，日本拉麵店都有5間。本來想去是旦一間食，但係間間都有人排隊，最近又洗大咗，咁啱見到有間中國麵，而且係藥膳窩，咁就行咗入去了。口水雞係我至愛，我仲加咗錢要刀削麵和豆漿。湯底很香，中藥味剛剛好不太重；麵質也很不錯，刀削麵的薄邊吸收了湯汁，中心部分彈牙有微微咬口；雞肉嫩滑，口水汁不會太油，辣度亦剛剛好。講真自己去親嗰條街都係食日本拉麵，今次如果唔係肚餓唔會特登入去呢度食，都算係有驚喜。呢間屹立喺幾間日本拉麵中間嘅中國麵，令我回想起潮流底下好多有意思嘅舊事物都會被忽視，最後被淘汰。大家去登龍街都可以試下唔好淨係排隊食拉麵，食呢間其實都唔錯。