古早味台灣原味 (已結業)

知道阿妹每年至少去台灣一次放假輕鬆，享受夜市美食當然係其中一個目的，但喺香港食到正宗台灣菜似乎唔多，我就搵定料，今晚一於同阿妹喺銅鑼灣食台菜，一嚐「古早味台灣原味」啦⋯⋯哈哈！好彩我一早訂枱，我哋入座後慢慢全場爆滿，而且開始有食客排隊等枱。餐廳環境充滿台灣色彩，一岀𨋢就見到「古早味台灣原味」與酒樽牆，特色嘅裝飾佈置，感覺自己身處台灣新式飯店，令人好親切。餐廳更懂善用空間，眼見有一班十幾個人嘅食客都可以有張大方枱坐埋一齊，另又有一間房，就算我哋二人枱都一樣坐得食得舒服。服務方面亦能承接台灣有禮文化，無論點餐、留意食客需要、選擇食物時嘅溫馨提示⋯⋯等等，都好主動並有禮回應，呢方面的確值得一讚！而食物選擇真係超多，彷似喺台灣夜市所搵到嘅美食，濃縮集中於一間餐廳上。無論小食、特色推介、素食主義、小菜、火鍋、飯麵、甜品、飲品分類中，選擇項目都起碼有十幾款或以上，每樣口味特色應有盡有，對質素要高、選擇要多嘅阿妹超級開心。左揀右揀下，我哋今晚嘅台菜選擇如下⋯⋯紹興醉蝦 (凍)：醉蝦有凍/熱選擇，原本想揀熱食，服務員姐姐超細心，告知如食得冷盤，凍食口感味道會更佳。果然無介紹錯，蝦肉爽口，味道帶陣陣杞子