影片
更多
2022-01-06
50 瀏覽
銅鑼灣SOGO對面的小餐廳，唔係入去渣甸街買襪都唔發現佢。見有好多𤠣子裝飾幾得意，鋪頭又企理，重點係唔貴，即管試一試。🤵🏻♂️店員服務好周到，除咗話所有菜式都係即點即做，仲好用心介紹餐牌，令我呢個選擇困難症無咁頭痕🤣🥣是日餐湯 + 熱飲 $38餐湯係打出嚟嘅紅菜頭湯，真材實料，有濃厚嘅顆粒感，味道係蔬菜嘅鮮甜味，唔錯。🍵薏米水我無飲，朋友話幾好。🦪白酒牛油汁煮大蜆 $78睇Menu驚啲蜆好細，好彩店員介紹係大蜆，即係試吓。蜆數量都唔少，有十隻，食落好鮮好有蜆味，蒜蓉又夠香夠濃，一隻一隻好快食曬。🍝香煎北海道帶子配黑松露燴意大利飯 $148老實講喺小店我好少叫risotto，因為有啲餐廳煮到爛曬都話係risotto，但我朋友想食無辦法。好彩呢個risotto係水準之作，有驚喜！帶子外脆內軟，夠厚肉，飯雖然唔係硬芯，但口感仍然分明，黑松露味道唔假，唔會太搶，再配埋芝士碎真係有1+1=3嘅效果。🦍猩猩迷宮 $198最eye-catching 一定係呢個九宮格All day breakfast！花心人士最愛，好適合打卡。ADB必備腸仔、牛角包、黑松露炒蛋都有齊，仲有煙三文魚、大啡菇、菠菜、蕃茄
🤵🏻♂️店員服務好周到，除咗話所有菜式都係即點即做，仲好用心介紹餐牌，令我呢個選擇困難症無咁頭痕🤣
🥣是日餐湯 + 熱飲 $38
餐湯係打出嚟嘅紅菜頭湯，真材實料，有濃厚嘅顆粒感，味道係蔬菜嘅鮮甜味，唔錯。
🍵薏米水我無飲，朋友話幾好。
🦪白酒牛油汁煮大蜆 $78
睇Menu驚啲蜆好細，好彩店員介紹係大蜆，即係試吓。蜆數量都唔少，有十隻，食落好鮮好有蜆味，蒜蓉又夠香夠濃，一隻一隻好快食曬。
🍝香煎北海道帶子配黑松露燴意大利飯 $148
老實講喺小店我好少叫risotto，因為有啲餐廳煮到爛曬都話係risotto，但我朋友想食無辦法。好彩呢個risotto係水準之作，有驚喜！帶子外脆內軟，夠厚肉，飯雖然唔係硬芯，但口感仍然分明，黑松露味道唔假，唔會太搶，再配埋芝士碎真係有1+1=3嘅效果。
🦍猩猩迷宮 $198
最eye-catching 一定係呢個九宮格All day breakfast！花心人士最愛，好適合打卡。
ADB必備腸仔、牛角包、黑松露炒蛋都有齊，仲有煙三文魚、大啡菇、菠菜、蕃茄，最特別係牛油果同紅菜頭蕃薯沙律。牛油果沙律帶檸檬味，保持顏色鮮艷之餘又加咗兩分清新氣息。
🍨烤蘋果脆頂奶酥配雪糕 $58
呢個堅好食！蘋果金寶唔會過甜，蘋果味濃而且熱，撻皮香又脆，配冰凍嘅曲奇雪糕真係好正！
🍮CHIMPZ法式焦糖燉蛋 $68
餐廳冠名甜品，都有水準，焦糖皮好脆，燉蛋都滑，甜度相對較其他餐廳低，感覺較健康🤣
總括嚟講呢餐食得好滿意，食物有水準，碗碟擺盤都勁靚，好食又好影📸
張貼
