心選 (已結業)

香港大部分餐廳都有限用餐時間，想食完飯傾吓計都唔得。久違的想喺樓上Cafe慢慢享受晚餐，見到唔少人推介Choice Cafe決定一試。餐廳位置係舊式大廈入面，需要行樓梯上2樓，個人覺得唔算難揾。上到去，燈光偏昏暗，配上裝修營造出舒服輕鬆感覺。我坐的位置好多胡桃夾子，哈哈望下餐牌，其實款式以cafe嚟講唔算少。呢到用手寫牌落單，好得意🤣“給有選擇恐懼症的你”完全講緊我😂 最後揀左鰻魚炒飯同煙三文魚南瓜忌廉意粉，套餐包$36飲品，但我同男友都揀左$55(需補差價)的茶。煙三文魚南瓜忌廉意粉：煙三文魚好有心思卷成花，南瓜mix忌廉好Match，汁唔會太多，亦唔會好稀，我覺得剛好。份量都好足。鰻魚炒飯：用左珍珠米，每粉飯都又圓又大，沾滿鰻魚汁好惹味！而鰻魚唔係一條上，係切好一塊塊，同飯拌勻，加埋粟米同紫菜好夾。 洋甘菊茶(右)：即菊花茶，味道清香偏淡，食完濃味配清淡啲嘅茶剛好。柑桔薑茶(左)：男友點的，個人唔中意薑茶，但天冷飲的確會暖啲。另會附上蜜糖俾你調味，貼心。而且飲完可以再加水，好好！加水後洋甘菊只係淡味咗少少，但柑桔就冇咩味了。食完仲可以玩Board game，都有唔少選擇。有d兒時遊