影片
更多
2021-08-30
863 瀏覽
難得平日同朋友一齊放假，約埋一齊食brunch。揀咗呢間假日比較多人嘅cafe，預早打電話去book定窗邊位置。點咗All day breakfast同埋牛油果芫茜籽法包。All day breakfast附送一杯斐濟果果汁。坐窗邊可以望到窗外一片綠油油樹林景另外單點咗一杯Flat white。原來跟餐加$28有飲品由12:30先開始有，反而早嚟無呢個優惠。All day breakfast好豐富，有煙三文魚、香腸、炒蛋、大啡菇、茄汁豆、蕃茄、沙律菜同牛角包。煙三文魚同香腸都好味，炒蛋夠滑溜但蛋味偏淡。沙律菜好新鮮仲有羽衣甘藍，只加咗沙律醋夠晒健康。牛角包就一般，表面唔脆，內裡又唔鬆軟。落單之後店員先話牛油果芫茜籽法包無法包，只有方包… 因為好想食牛油果，所以照要啦。牛油果份量好多，係一整個牛油果牛油果熟度剛好而且好新鮮，食落超creamy。味道同我自己喺屋企整好相似，只係落鹽同檸檬汁簡單調味面頭加咗芫茜籽同松子令口感更豐富。整體嚟講環境真係唔錯，坐得舒服。食物算係合格，不嬲呢啲all day breakfast，三文治無乜技巧可言，只要材料新鮮就好味，但麵包有進步空間。定價比較進取，
點咗All day breakfast同埋牛油果芫茜籽法包。All day breakfast附送一杯斐濟果果汁。坐窗邊可以望到窗外一片綠油油樹林景
另外單點咗一杯Flat white。原來跟餐加$28有飲品由12:30先開始有，反而早嚟無呢個優惠。
All day breakfast好豐富，有煙三文魚、香腸、炒蛋、大啡菇、茄汁豆、蕃茄、沙律菜同牛角包。煙三文魚同香腸都好味，炒蛋夠滑溜但蛋味偏淡。沙律菜好新鮮仲有羽衣甘藍，只加咗沙律醋夠晒健康。牛角包就一般，表面唔脆，內裡又唔鬆軟。
落單之後店員先話牛油果芫茜籽法包無法包，只有方包… 因為好想食牛油果，所以照要啦。牛油果份量好多，係一整個牛油果
牛油果熟度剛好而且好新鮮，食落超creamy。味道同我自己喺屋企整好相似，只係落鹽同檸檬汁簡單調味面頭加咗芫茜籽同松子令口感更豐富。
整體嚟講環境真係唔錯，坐得舒服。食物算係合格，不嬲呢啲all day breakfast，三文治無乜技巧可言，只要材料新鮮就好味，但麵包有進步空間。定價比較進取，而且要喺收銀點餐同自取餐具，都要收加一服務費就唔太合理。
張貼
