J’s Bistro (已結業)

今天到荔枝角工作，向客人道別時順便問一句有哪個地方午膳。佢話D2商場有幾間食店，可以自己搵下。本身揸住一袋二袋都唔想點行，不過見D2喺正附近，即管騰上去，一樓有幾間食店，心大心細最後揀咗間食西式嘅。食店幾骨子，部分bar枱位置向窗口位可以望下街景，不過我攞得太多嘢所以唔想坐咁高。坐低定一定神再望清楚個menu，不止有意粉，仲有扒類選擇，今天天氣悶熱，簡單叫了一個「牛肝菌蘑菇牛柳意大利手工寬條麵」，呢個午餐set還包括了一個餐湯、牛角包同一杯飲品。先嚟牛角包同餐湯，牛角包焗得好香，牛油不重唔會有罪惡感，湯清甜，唔使點調味都很夠味。寬條麵賣相唔錯，有陣陣橄欖油炒出來的香氣，闊條麵有咬口，炒得煙韌適中，肉碎汁滲入麵條中更多了一份層次，牛柳快炒剛剛好不會韌，唔錯。飲杯回魂咖啡後精神過來，一洗早上工作的繁重感，亦喚醒了另一個甜品胃，於是叫了一客是日甜品。朱古力是我至愛，朱古力濃厚不膩，內層煙韌，份量唔會太大剛好填我的甜品胃，yummy 。稍稍歇息客人漸多，我都無謂霸住張枱，拎起兩袋又向著公司的路途上打拼。