露營生活

營業中

休息中

之前同朋友見到呢間餐廳個名好得意，用露營做主題，同埋位於銅鑼灣鬧市中，所以就想試一試，點樣可以喺市區做到露營生活😂餐廳分咗室內同室外，因為我哋帶住狗仔，所以揀咗坐室外🙆🏻‍♀️一出到去成個感覺真係幾chill ，有帳篷同露營枱露營燈，坐咗入去帳篷裏面，完全唔似係喺銅鑼灣😂餐具都好有心思，都係用咗露營用具🙆🏻‍♀️嘢食都有好多選擇，有即食亦都有燒肉或者鍋物。餐廳用QR code落單，所以唔使擔心喺室外叫唔到人落單，不過因為我哋坐出面，都keep住有員工喺度👍🏻我哋點咗部份即食嘅小食，同燒肉🙆🏻‍♀️首先嚟咗黃金炸雞軟骨同黃金炸魷魚鬚🙆🏻‍♀️兩款炸物都炸得好香口，外面好脆，份量都多，好適合同朋友傾偈嘅時候邊食邊傾😋另外我哋再嗌咗份蒲燒鰻魚配玉子燒。鰻魚好厚身，差不多同玉子燒一樣厚😂串燒方面，嗌咗白鱔同菠蘿，因為我哋驚自己燒得冇咁好，所以直接點咗燒好左嘅串燒😛菠蘿燒完之後冇得輸，好甜又Juicy! 白鱔都好爽，外皮好香脆😋燒肉方面我哋揀咗牛小排同厚切牛舌🙆🏻‍♀️牛小排油脂好香，肉質好嫩😋厚切牛舌消炎亦都好爽口，牛味好重！另外朋友推介下，再加咗淮山，估唔到燒淮山好好食！爽口清甜🤣