都市空間 (已結業)

今日行過土瓜灣，見到呢間文青風味Cafe好吸引，就入去諗住試吓，扮吓偽文青都好。因為平日嘅關係，店內都唔係好多人，好快就搵到位，睇完Menu之後去counter落單，等嘢食送到。今次叫咗一份All day Breakfast同一杯Green Tea Latte，價錢$115，價錢方面就都差唔多，All Day Breakfast份量足，幾鍾意沙律個醋，幾好味，唔係超酸嗰種！多士好脆好好食！Green Tea Latte味道一般，唔甜，但係啲粉唔溶，飲到最尾嘅時候會飲到一舊舊粉，可能係我攪得唔夠均勻。店舖賣點係可以嘆住咖啡睇書，書嘅種類都好多，個人特別鍾意同香港有關嘅書，除咗書之外都仲有一啲文具、杯等等可以買，希望大家可以多啲去支持下呢啲小店啦！