影片
更多
2020-01-26
282 瀏覽
女朋友生日諗左好耐食咩好，平時成日比佢話淨係帶佢食垃圾，平日成日故住返工，唔小心忽略左佢，今次襯生日終於的起心肝揀返間好既餐廳比佢食。上網搵左好多間西餐都好貴，食完會好肉赤，搵搵下終於搵到間個價比較合理，睇圖又唔會太失禮。本身佢以為我生日又帶佢食垃圾，但去到門口之後，佢見到成個環境都使使正正，搞到冇機會發脾氣我地坐低之後就叫左3樣野，由於我地本身都唔係好有錢，所以成個腦都淨係諗住會唔會唔飽搞到要再食。我地結果叫左３樣主食，最後仲食唔晒要拎走，估唔到佢份量咁多，好抵食。我地叫左特級安格斯漢堡配炸薯條，炸德國咸豬手配蜜糖芥末醬，傳統肉醬千層麵。個漢堡好多料，首先有個炸洋蔥圈放頂，中間有主打有塊勁厚既安格斯牛肉，食落去勁ｊｕｉｃｙ。餐廳職員落單果陣仲主動問洗唔洗幫我地切開兩件方便我地一人一舊，好貼心。薯條方面就冇咩特別。豬手就好厚肉，豬皮炸得金黃色好夠脆，配埋蜜糖芥末醬真係絕配，落汁果陣都睇得出有心思，唔係求其落到一ｐａｔ就算。食到左一半豬手之後已經開始飽，結果我地千醬麵食左一半就頂唔順要拎個盒帶走，芝士同肉醬都落足料，好香，同埋真係勁飽，我估我地淨係食１．５份千層麵已經會好飽。呢度除左食仲
上網搵左好多間西餐都好貴，食完會好肉赤，搵搵下終於搵到間個價比較合理，睇圖又唔會太失禮。
本身佢以為我生日又帶佢食垃圾，但去到門口之後，佢見到成個環境都使使正正，搞到冇機會發脾氣
我地坐低之後就叫左3樣野，由於我地本身都唔係好有錢，所以成個腦都淨係諗住會唔會唔飽搞到要再食。我地結果叫左３樣主食，最後仲食唔晒要拎走，估唔到佢份量咁多，好抵食。
我地叫左特級安格斯漢堡配炸薯條，炸德國咸豬手配蜜糖芥末醬，傳統肉醬千層麵。
個漢堡好多料，首先有個炸洋蔥圈放頂，中間有主打有塊勁厚既安格斯牛肉，食落去勁ｊｕｉｃｙ。餐廳職員落單果陣仲主動問洗唔洗幫我地切開兩件方便我地一人一舊，好貼心。薯條方面就冇咩特別。
豬手就好厚肉，豬皮炸得金黃色好夠脆，配埋蜜糖芥末醬真係絕配，落汁果陣都睇得出有心思，唔係求其落到一ｐａｔ就算。
食到左一半豬手之後已經開始飽，結果我地千醬麵食左一半就頂唔順要拎個盒帶走，芝士同肉醬都落足料，好香，同埋真係勁飽，我估我地淨係食１．５份千層麵已經會好飽。
呢度除左食仲有好多野飲，有鍾意飲易入口既酒有ｃｏｃｋｔａｉｌ，有啤酒，同時會有白酒紅酒可以揀，唔鍾意飲酒既可以選擇冇酒精既ｍｏｃｋｔａｉｌ。
但近排唔知佢做咩事，成日話唔飲野要飲水，所以我地到最後係冇叫到野飲，想試既朋友可以試下，睇隔離枱賣相好似唔差。
15 瀏覽
0 讚好
0 留言
張貼
