Untitled Cafe & Bar (已結業)

係尖沙咀剛過午飯繁忙時間，路過一直想試嘅小店就順便試下啦！店內環境比較簡單唔算高雅，白枱似一般樓上cafe，同餐牌看似用心嘅料理有風格上嘅差異，有落差感⋯店內都仲有客人，但冷氣超級凍，應該本身溫度都調較得偏低⋯Lunch Set同網絡見到嘅餐牌一樣，店員較少，少許忙但態度正常。上餐需時，用心嘅餐點本身就唔預佢似快餐咁快出餐，請耐心等候。個阿根廷紅蝦手製幼蛋麵伴鮮製龍蝦醬擺盤幾吸引，紅蝦彈牙香口，幼蛋麵略嫌蛋味仲可以再出啲，但麵嘅彈性口感都唔錯。醬汁剛好，夠味又唔算重口，麵唔會太乾或太濕⋯Earl Grey幾香，唔會過濃過淡👍🏼只係因為冷氣偏凍，麵同茶好快就吹凍左😅整體黎講不錯，只對冷氣調溫比較失望。