村上居酒屋 (已結業)

好久沒有同老婆去旺角了，有時真係唔知食咩好，路過這間村上，老婆說不如食這間啦，我地決定大食一餐。【荔枝梳打】清甜荔枝味勁出，又不會太甜，不錯。【炸三文魚鱗】真係好特別，我第一次聽有炸三文魚鱗，但估不到食落去仲脆過炸魚皮，送酒一流。【香蔥拖羅豆腐】香濃既豆腐，再配埋拖羅，拖羅味道不錯，油脂味香，夾埋豆腐一起吃原來咁夾。【鯡魚薄切刺身】鯡魚薄切肉質帶點爽口，味道清新，再配埋酸汁、生薑一起食用，真是不錯。【燒日本小蕃薯】陣陣的蕃薯味，燒完出來蕃薯的甜味非常突出。不錯!!【汁燒牛柳串】牛柳非常厚身，咬落亦好juicy，食完一粒再食中間的燒蕃茄，可中和番味蕾。【燒雞翼】香脆的雞皮，燒得剛剛好，內裡仲有非常多肉汁。值得推介!!【燒粟米】燒粟米十分香甜，又不會太乾，好有牛油味。