神燈海鮮酒家 (18廣場)

營業中

休息中

聽日放假，今晚收工同朋友去食好嘢，位於佐敦嘅＂神燈海鮮酒家＂來到發現近乎滿座，好彩仲剩返一二張枱，坐低即叫神燈酒家的拿手菜式。薑蔥龍蝦銀絲煲：成個瓦煲熱辣辣上台，打開蓋即聞到香氣，夠晒鑊氣，份量超多，入口龍蝦肉爽口彈牙，鮮甜無比，每條粉絲都索晒龍蝦膏汁味，香氣十足，食不停口。南非鮑魚啫啫雞：同樣瓦煲上台，有4只超大鮑魚，鮑魚厚身，酒家先鎅刀花令鮑魚喺烹調嘅時候更加入味，鮑魚鮮甜入味，好有口感，雞件醃製入味，肉質嫩滑，咸度剛好。蜜汁脆燒鱔：鱔魚燒得金黃色澤好靚，入口脆爽帶蜜糖味，啖啖肉再淋上檸檬汁，齒頰留香之餘都不感油膩。濃湯一級竹笙浸翡翠：湯底真係用出誠意去煲嘅，非常濃味，竹笙好爽，大大一片大富豪炒飯：炒得非常乾身，粒粒分明，朋友係無飯不歡，食咗2大碗😋最後還送咗牛乳布甸同桂花糕甜品，食完捧住個肚走，今餐大滿足。