Penthouse (已結業)

今日休息去左銅鑼灣行下街shopping ，行到攰攰地諗起之前有朋友介紹有間西餐廳環境同食品都超水準，今日一於去試下先！ 一嚟到已經好中意佢地既裝修格調，加上每個同事都好熱情招待，令人感覺好舒服！ 點完菜後黎左個包俾我，不得不讚下個醬汁，味道好清新好特別，帶有一點點薄荷口味，令原本吾太鐘意食包既我都忍唔住食曬 主菜方面就梗係點左我最中意食既牛扒啦，先講左個伴菜先，焗蒜頭真係無得輸，焗完後啲香味出曬嚟，一定要試下啊！到牛扒喇，依度可以話係我食過做得最好既牛扒，煎既時間做得剛剛好，完全將肉汁鎖左係入面但係又唔會太熟，將我最中意既五成熟既美味發揮曬出嚟，再加左小小海鹽係上面，將牛扒既肉味同鮮味完全表現出來 朋友真係無介紹錯，依度絕對值得嚟食，本身黎既時間好想食個甜品架，不過真係太飽所以無食到，下一次一定會encore 再嚟依度試曬所有嘢