S2 Kitchen (已搬遷) 新店位置

今日難得過開中環, 打算係附近搵d好野食, 碰碰撞撞黎到呢間s2 kitchen。店位置不多, 但裝修讓人感到好舒適~而這店主打特色自創日本菜。食得日本菜多, 都想黎一d新鮮感!打頭陣先到既係海膽牛油果帶子沙律!每樣配料都係我仲意既食材, 估唔到配起上黎咁夾!之前眼前一亮, 黎左一碟非常吸晴既刺身!而油甘魚既鮮味令我極之深刻, 好似好耐無係香港食到咁新鮮既油甘魚!因為一般店去貨不太快! 推薦大家要食!接住上既係清酒鮑魚雞翼。兩樣咁無相關性既食物竟然可以煮成一味有趣而好食既菜式, 實在難得!雞翼去左骨, 而鮑魚係雞翼入面!我到宜家都諗唔通係點樣放入去???特色火焰卷!當中有帶子同海膽~係火焰之下, 其實幾有情調~三文魚夾餅創作壽司~喜歡三文魚既朋友一定中意呢一款壽司。壽司中間係三文魚肉粒, 而兩邊我估計係烤左既腐皮。新穎而且幾配搭!日本菜當然仲有海膽燒蠔!呢一味我認為又係必需要食!蠔香加上海膽蟹子在上, 邪惡之作品!有心經營既餐廳, 絕對值得捧場!