老馮茶居 (荃灣千色匯II)

今次拉咗鬼佬去體驗下舊式香港嘅飲茶文化🫖（可惜都唔係推車仔🥹）呢間點心舖好多人幫襯，由我哋去到，到食完走，都一直有人等位。餐廳入面啲枱唔係好大，未必容納到一枱多過8人🤔有別於一般茶樓，呢間餐廳除咗有中茶飲，仲有其他飲品，例如凍/熱咖啡/奶茶，汽水，等等☕️呢度啲點心唔係計大中小點，而係明碼實價，價錢一目了然😌我哋4個人叫咗8樣點心，一個甜品（薑汁燉鮮奶），埋單都係$250左右，無加一服務費，茶錢只係$6一位，啲茶仲要係用茶葉沖（而家好多茶樓都係用茶包🥲），比起其他茶樓抵食👍🏻點心方面，所有食物都係即叫即整，所以擺到上枱都仲係熱辣辣，好正😋我哋超欣賞佢個蘿蔔糕，真係食到一絲絲蘿蔔😍而鬼佬就好鐘意個老馮金沙米皇腸，外軟內脆（腸粉入邊係炸蝦）😗值得一提嘅係鵪鶉蛋燒賣，而家真係買少見少，必食！留意番，佢哋啲包點係一籠2舊，如果多人食，記得叫多2籠🤗