影片
更多
2016-10-07
738 瀏覽
2-10-2016(Sun)同老公由屯門返出o黎係1:40pm,佢話要食晏.我重係飽喎.咁去邊間食?行到落o黎,佢揀呢間,是但啦.去到,男侍應俾張4人卡位我o地坐,繁忙時間喎,我o地一陣坐埋一邊啦.睇完menu,老公要$48.00o既滷水金錢肚飯,加$10.00要凍檸茶.原本我想要吉列豬扒薯仔沙律(o衣o家睇真menu至知呢個有薯仔),食要$46.00,太貴啦,於是指住menu上,No.5幅相話要豬仔包,女侍應話豬扒包($25.00o既),我就答係.重要$15.00o既田園薯仔沙律.o衣o家又睇真啲,原來真係有豬仔包,不過張相唔係豬仔包,我以為豬仔包係張相咁吸引.落完單,女侍應好快話俾我o地知, 薯仔沙律冇晒,要唔要改第二啲?一時間我o地冇idea,答諗諗先.佢就話幫我o地取消先. Good,呢點值得加分呀,均均真真,以防上次o係真味咁,收多o左錢(o個個食評: http://www.openrice.com/zh/hongkong/review/%E6%9C%89%E5%BF%83%E5%AE%9A%E5%86%87%E6%84%8F-e2632658).咁我又睇menu啦,要$26
去到,男侍應俾張4人卡位我o地坐,繁忙時間喎,我o地一陣坐埋一邊啦.
睇完menu,老公要$48.00o既滷水金錢肚飯,加$10.00要凍檸茶.原本我想要吉列豬扒薯仔沙律(o衣o家睇真menu至知呢個有薯仔),食要$46.00,太貴啦,於是指住menu上,No.5幅相話要豬仔包,女侍應話豬扒包($25.00o既),我就答係.重要$15.00o既田園薯仔沙律.
o衣o家又睇真啲,原來真係有豬仔包,不過張相唔係豬仔包,我以為豬仔包係張相咁吸引.
落完單,女侍應好快話俾我o地知, 薯仔沙律冇晒,要唔要改第二啲?一時間我o地冇idea,答諗諗先.佢就話幫我o地取消先. Good,呢點值得加分呀,均均真真,以防上次o係真味咁,收多o左錢(o個個食評: http://www.openrice.com/zh/hongkong/review/%E6%9C%89%E5%BF%83%E5%AE%9A%E5%86%87%E6%84%8F-e2632658).咁我又睇menu啦,要$26.00o既咖啡紅豆冰啦.落完單,老公o既滷水金錢肚飯同凍檸茶都到o黎,
滷水金錢肚算多,佢一食就大讚好食,我食好細舊試吓,好腍,但腩汁味道淡,淡到我食到o係底o既生菜o既味道.老公就問侍應攞辣椒油同食.之後我o既豬扒包同咖啡紅豆冰到o黎,
揭開睇吓豬扒,有骨o既,點食?
唔可以大啖咬噃,而底o既蔬菜就有一片番茄,沙律菜同千島醬,
我要分層食喇.食豬扒先,都幾鹹吓,豬扒唔厚而且有啲乾身,一般;個包正常冇問題;千島醬唔多,味道淡o左啲.
而咖啡紅豆冰呢?其實我o地係特登叫呢個,同o個次o係金源飲到o既做比對(o個個食評: http://www.openrice.com/zh/hongkong/review/%E6%98%AF%E6%88%91%E8%87%AA%E6%89%BE%E7%9A%84-e2603593),紅豆唔係太腍但都入到口,咖啡味道正常.老公都試吓,佢話呢杯正常好多.
最後老公食冇沙律汁o個邊o既豬仔包先,冇味o架嘛,我就叫佢加啲辣椒油食,佢加o左,咁我又試吓啦,我好肯定我食到o既辣椒油,都有半粒紅豆咁大,應該細過5毫米,而o個啖豬仔包都幾大,但都足以我嗌好辣,要係咁飲咖啡紅豆冰.
味道分冇計凍檸茶,分數係2.74分
服務:
我o地o係繁忙時間坐張四人卡位,有人等位喇,但佢o地都冇叫我o地坐埋一邊,可能佢見我o地兩個有兩大袋o野啦,真係唔好意思.
張貼
