魔膳工房 (已易手) 新餐廳

今日係觀塘見完客同同事係附近D工廠大廈食晚飯, 近排真係有好多餐廳開左係呢D工廠大廈裹, 真係方便左我地係觀塘返工既打工仔, 一收工就可以落去食飯. 呢間餐廳長期滿座, 不過唔使驚無位, 因為地方夠哂大. 我同同事一人叫左一個SET DINNER, 已經可以包埋餐包及餐湯, 就有任食沙律吧, 只需加$38.餐湯叫左一紅一白, 呢到D餐包都幾特別架, 係提子餐包黎架, 出面好少有.我叫左個西班牙火腿卡邦尼意粉$128, 意粉煮得剛好, 唔會過火, 而且每條意粉都被卡邦尼汁包住, 正!! 除左西班牙火腿外, 仲有D什菌, 非常健康.而朋友就叫左呢到主打既德國烤原隻豬手配薯角$186, 大廚非常細心, 已將骨起了, 還切開了一半, 咁就超級方便食啦, 啖啖肉, 一D都唔馬夫, 原汁原味, 仲好有膠質, 骨膠原超豐富, 仲要啱啱烤起, 熱辣辣的, 味道咸咸香香帶點黑椒味, 唔夠可以點黑椒汁 / 夾埋D酸菜一齊食, 無咁漏, 仲好開胃TIM.最後餐飲方面, 我叫左一柸都幾特別既野飲, 仲不需要加錢TIM, 就係水果紅茶, 啱哂我地d女士們, 有好香蜜桃既香味, 飲落茶味會比較重, 食飽嘆返柸熱茶